សាច់មាន់ខូចគុណភាពជិតមួយតោន ត្រូវនគរបាលឃាត់ខ្លួន តាមច្រកអូរបីជាន់
20-November-2017 | ដោយ ពលមនសិការ
បន្ទាយមានជ័យ ៖ សាច់មាន់ខូចគុណភាពជិត មួយតោន ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្ត នៅវេលាម៉ោង១២និង៤០នាទីថ្ងៃទី២០ ខែវិច្ឆិកា ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតក្នុងភូមិ/សង្កាត់ទឹកផ្លា ក្រុងសិរីសោភ័ណ។
លោកវរសេនីយ៍ត្រី ម៉ី បូរ៉ាន់ នាយផ្នែកនៃការិយាល័យប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា ម្ចាស់រថយន្តដែលដឹកសាច់មាន់ខូចគុណភាពមានឈ្មោះ ហួត សំបូរ ភេទប្រុស អាយុ២៤ឆ្នាំ រស់នភូមិណាកាឆាយ ឃុំកូប ស្រុកអូរជ្រៅ ខេត្តបន្ទាយមានជ័យ។
លោកបានបញ្ជាក់ថា ដោយមានការណែនាំពីលោក សួន បវរអភិបាលខេត្តបន្ទាយមានជ័យនិងដាក់វិធានការពីលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យហើយកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានបានធ្វើការស្រាវជ្រាវនិងកំណត់មុខសញ្ញាបានឃាត់រថយន្ត១គ្រឿងគឺម៉ាក់ហ៊ីយ៉ាន់ដាយ ធុនកូរ៉េ ទម្ងន់២តោនកន្លះ ដែលពាក់ស្លាក់លេខបន្ទាយមានជ័យ 3A-1191 ដែលដឹកសាច់មាន់ខូចគុណភាពចំនួន១០០ថង់ ស្មើទម្ងន់៨៥០គីឡូក្រាម ដែលមានទ្រូងមាន់ ភ្លៅមាន់ កោះមាន់ ថ្លើមមាន់ ជើងមាន់។
លោកវរៈសេនីយ៍ត្រី រស់ អៀម នាយរងការិយាល័យការិយាល័យប្រឆាំងបទល្មើសសេដ្ឋកិច្ចខេត្តបានបញ្ជាក់ថា ក្រោយពេលឃាត់រថយន្តដឹកសាច់មានល្មើសនិងច្បាប់ហើយបានបញ្ជូនមកការិយាល័យប្រឆាំងបទល្មើសសេដ្ឋកិច្ចខេត្តបាននាំយកមកធ្វើការសាកសួរបានឆ្លើយសារភាពថាសាច់មាន់ខូចគុណភាពនេះនាំចូលពីប្រទសថៃតាមច្រករបៀងអូរបីជាន់ស្រុកអូរជ្រៅដែលបង់ជូនកម្លាំងយោធារច្រករបៀងអូរបីជាន់១ឡាន ៤ម៉ឺនរៀល ហើយគោលបំណងដឹកទៅខេត្តបាត់ដំបងដាក់តាមភោជនីយដ្ឋានដែលស៊ីឈ្នួលដឹក មួយគីឡូក្រាម តម្លៃ៤បាត ស្មើ៤,០០០រៀល ហើយពេលដឹកចេញតាមផ្លូវត្រូវកម្លាំងនគរបាលចាប់បានព្រមទាំងវត្ថុតាង។
លោកបានបញ្ជាក់ថា៖អ្នកពាក់ព័ន្ធយកទៅដុតកម្ចេចចោលនិងរថយន្តដែលដឹកសាច់មាន់និងអ្នកបើកបរត្រូវបានបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ2391
- ម្សិលមិញ10851
- សប្តាហ៍នេះ68911
- ខែនេះ184061
- ឆ្នាំនេះ184061
- សរុប20626517